Nos autres sites :
  • Facebook Social Icon
  • Twitter Social Icon
  • LinkedIn Social Icon

 

© 2019 by Jacquier-Calbet associés

03 20 47 01 31

Présentation de nos services en picard

(Traduction : Alain Dawson)

 

 

 

Seuchez binvnus !

Laichez kère tout chl’ouvrache eq des autes is saro’te faire si bin qu’vous din vou interprinse .

 

Aveuc mi, os n’avez pu d’ruses aveuc ech terduisache, foque des solucions

Interpertache

 

Ches gins qu’is euv’te aveuc ti-z-aute is pass’te tro d’temps à apruvoir ed comprinde quand qu’in leu pale din des autes parlaches, pi ch’calaudache i n’va pon rade assé ?

Laichez Jacquier-Calbet Achochonnés s’ocuper d’echl interpertache, conme cha vous gins is saront s’conchintrer su leu espécialité.

 

Eune warandie d’sériu : os vos warandichons d’l’ouvrache sériuse qu’os apertons aveuc vou documintacion pi ches solins d’baillies terminologiques qu’in treuve din vou domainne.

Ed l’estile : os ête un onme d’état, os avez pu kèr à s’abuger à un aute onme d’état. Os vos invoïons un interperteu estillé qu’i connot ches agés din vou domainne.

Os respectons vous pratiques : vous-autes étou, os faigez atincion à vous pratiques. Os faijons toudi chl’ouvrache conme i faut pi in temps et eure.

 

 

Interpertache à-mzure o bin in-minme-temps ?

Interpertache à-mzure :

In dit cor « interpertache d’erloïache ». Ch’est miu pou des tiots groupes, des rincontes à l’bonne flankète, des ouvros, des calaudaches…

Cha s’fait sins outius. Chti qu’i dvise i dot surjoker un molet pindant qu’echl’interperteu qu’i terduit ches frases.

 

Interpertache in-minme-temps :

In dit cor « interpertache ed conférinche ». Ch’est miu pou des perzintaches aveuc gramint d’gins, d’l’écolache, des rincontes aveuc des grossés légueumes…

Cha s’fait din des cabènes, aveuc deux interperteus qu’is euv’te apré l’eune l’aute pou eusse terduire à mzure. Ches acouteus is ont des barètes su leus orelles.

 

Din des tiots hots, in peut faire ed l’interpertache à l’basse note, ch’est pu aju à faire.

 

Ch’terduisache

Ches gins qu’is euv’te aveuc ti-z-aute is pass’te leu temps à apruvoir ed comprinde pi à terduire chou qu’is dot’te lire pou leu traval ?

 

Baillez-nous vous terduisaches à faire, pi dékerkez vous espécialisses pou eusses es conchintrer su leu vrai état.

 

Os faijons d’l’ouvrache sériuse : os ête seur d’avoir del bonne ouvrache, qu’ale suit aveuc ches usaches adités pi ches solins d’baillies terminologiques ed vou domainne.

 

Os sonme inter onmes d’état : os ête un onme d’état, os avez pu kèr à s’abuger à un aute onme d’état ; ch’est pour cha qu’os faijons terduire vous dossiers par un terduiseu diplomé qu’i connot sn’ouvrache pi qu’i connot ches agés din vou domainne.

Os respectons nous pratiques : vous-autes étou, vous pratiques, os n’elzé faigez pon joker. Os ouvrons toudi conme i faut pi in temps et eure.

 

Os terduisons tous ches documints, din tous ches parlaches : ches guides, ches modes-d’implo, ches documintacions tecniques, ches prochédures ed qualité, ches wèpes d’arnitoile, ches comptes-rindus, ches perzintaches animés, ches plaquètes, ches invoïaches d’émiles, ches lettes, ches comeuniqués pi ches dossiers d’gazètes, ches businkillaches, ches tites-in-dzou pou des flims, ches terduisaches achertainnés…

 

Inwajmints

 

Os s’inwajons :

À vous rinde ed tout nou pu rade un dvis précis,

À faire à vou mode, eslon kmint qu’os ête agimolés,

À n’pon démucher ches documints qu’os nos baillez,

À vos rinde el milleu terduisache, slon ches usaches adités pi ches solins d’baillies terminologiques qu’in treuve din vou domainne,

À toudi erlire ches terduisaches qu’os nos donnez à faire pou ches parlaches qu’os connichons nous-minmes,

Qu’os seuchèche seurs d’avoir ed l’ouvrache del milleure qualité, qu’i seuche fait in-ddin o bin par eds autes,

Qu’os erchuvarez toute in temps et eure.

 

Nous référinches

 

Saquants domainnes dù qu’os ons djà ouvré

Interpertache :

Consels d’amistracion,

Terduisaches jurés (tribunas, poliche…)

Vésite ed fabriques,

Barguiniache aveuc des bouticliers,

Congrés, salons pi séminaires (COMDEX Las Vegas, USA, CeBIT Hanovre, D.)

Terduisache aveuc eune voisse pa-drière pou des vidéïos pi des flims d’interprinse,

Vésites pi intervénaches din des chintrales nucléïaires,

Aconduisache ed gins qu’is veut’te s’abloker in France (loïen aveuc ech notaire, ch’pourmoteu, ches furnicheus, …)

Conférinche à pusieurs gins à ch’téléfonne o bin aveuc des webcams,

 

Mettache-insanne pi terduisache din pusieurs parlaches à mon nous-autes, à mon d’ches pratiques o bin aveuc un loïen estranéteu :

Terduisaches achertainnés ed documints oficiels

Terduisache ed documints din ches domainnes :

 

tecnique pi industriel,

défardielmint durabe,

ches manicrakes pi ches robots,

markétache, comeunicache pi catalogues,

lachache, grémints d’esport et pi d’grand air, cariache, carètes, kemin d’fier,

chinéma, tites-in-dzou,

finanches, conterbucions,

gazètes…

 

Saquants agimolacions qu’is ont dja fiate à nous :

(pi bétot cha sra ti-z-aute !)

Pour vous dmander un dvis

Pour vous dmander quèque cose su eune kémande, eune facture o bin si qu’os avez des ruses

Sierviche ed bouticlache

Sierviche amistratiu

Baroumaite

 

 

 

 

 

 

 

Mincions loïales

 

 

SARL aveuc un cateu sociau ed 5000 €

RCS Lile Métropole

SIREN : 477 593 784

Code NAF : 7430 Z

Manieu :  Frédéric Jacquier-calbet

Sèle :  92 Bd du Gal de Gaulle - 59100 Roubaix

Wèpe : www.latraduction.fr

Emile : admin@latraduction.fr

 

latraduction.fr ™ ch’est ene merque amasée. Tous ches copiaches pi ches erperzintacions qu’in fait sins avoir echl acord à Jacquier-Calbet Achochonnés, ch’est del conterfachon. Tout ch’wèpe-chi i suit ches los francèses pi internacionnales su ch’drot d’auteur pi l’propiété d’busiache. Tous ches drots d’erproduire is sont rawardés, minme pou ches documints à télékerker, ches imaches pi ches fotos. In n’a pon l’drot d’erproduire  ch’wèpe-chi in intier o bin un morciau seulmint, ed n’importe queule fachon, si qu’in n’a pon rchu chl’acord à Jacquier-Calbet Achochonnés. Os faijons atincion à faire ech wèpe-chi conme i faut pi à l’rachavter à-mzure, chpindant, ch’est toudi possibe qu’i ny-euche saquants berlures din ches rinsinemints o bin ches documints. Chti qu’i s’siert dech wèpe-chi, i dot toudi vérifier chou qu’i erchot.

Mediatheque de Picardie
Astérix le site officiel
Livres d'Alain Dawson
Livres d'Alain Dawson